Ako magtatanom lawiswis kawayan
Akon la kan pikoy palataylatayan
Sabahis nga pikoy ka-waray batasan
Sinmulod ha kwarto, kan inday higdaan.
An panyo, an panyo nga may sigarilyo,
Ginpiksi ni Inday kay may sentimiento
An nasisinahan, an nabi- an nabibidu-an
Tungod la han gugma nga waray katuman.
An ine nga hugpo lawiswis kawayan
Diin an higugma nga may rayandayan
Magtutugtog dayon mga ginlatayan
Maglipay ngatanan mga kasaangkayan.
An ine nga pikoy nga pikoy paglupad murayaw
Natuntong han sanga dagos paparayaw
Binuklad an pako, an pako daw hilaw nga dahon
An iya pagrayhak nga ak ginkinantahan.
Hi Mano palabio mahal magbaligya
Adobo sitsaron upod an mantika
Ginpadisan hin luyat nga tarong
Hi mano Palabio mahal la gihapon.
LUBI-LUBI
Lubi-lubi, lubi lingkuranay
Ayaw gad pagsak-i, kay hibubo-ay.
Ayaw gad pagsak-i,
Lubi-lubi
Kon maruruyag ka kumaon hin silot
Didto la nga didto la
Kan Nanay nga didto la.
Kan Tatay nga didto la, pakigsabot.
Agidaw-gidaw an bukaw
Naglupad-lupad ha igbaw
Agidaw-gidaw an gitgit
Naglupad-lupad ha langit
Agidaw-gidaw an bukaw
Naglupad-lupad ha igbaw
Agidaw-gidaw an gitgit
Linmupad ha langit
Enero, pebrero, marso, abril, mayo,
Hunyo, hulyo, agosto,
Setyembre, oktubre,
Nobyembre, desyembre,
Lubi-lubi.
BALUD
Mga balud
Nagpapasibo ha kadagatan
Kakuri gud madakpan
Inin balud
Ha baras napulilid
Kon diri hira nag-iisog
Hay Intoy,
Kamakuri mo pagdad-on
Baga-baga ka gud la
Hinin balud
Kon nasisina nalakat ka
Mag-uusaan ako, tabi.
Kay ano nga ginbaya-an mo ako?
Waray na balud inin lawod ko
Hain na an mga haplas mo?
Nailiw na an baras ngan bato
Bisan la
Danay di' nagkaka-asya
Sugad han langit ug tuna
Kon an gugma
Nga marig-on o masarig
Di mapapara hin balud.
Kay ano nga ginbaya-an mo ako?
Waray na balud inin lawod ko
Hain na an mga haplas mo?
Nailiw na an baras ngan bato
Balik na kamahidlaw na ha imo
Waray na balud hinin lawod ko
Hain na an mga haplas mo?
Nailiw na an baras ngan bato
Nailiw na an kasingkasing ko.
Mga Awiting Pinoy
can somebody translate the Lawiswis Kawayan song in english
ReplyDelete