Katuwaang Bugtong (Funny Riddles)

Sino ang nagsasalita?

1. “Pinapaikot mo lang ako
Nagsasawa na ako. Mabuti pang
patayin mlo na lang kaya ako?”
- electric fan

2. “Hindi lahat ng walang salawal
ay bastos”.
- Winnie d’ Pooh

3. “Alam mo ba wala akong ibang hinangad
kundi ang mapalapit sa 'yo.
pero patuloy ang pag-iwas mo.”
- ipis

4. “Hala! sige magpakasasa ka!
Alam ko namang katawan ko lang ang habol mo.”
- hipon

5. “Ayoko na! pag nagmamahal ako lagi na lang
maraming tao ang nagagalit! Wala ba akong
karapatang magmahal?”
- gasolina

6. “Hindi lahat ng green ay masustansya.”
- plema

7. “Hindi ko hinahangad na ipagmalaki mo na ako’y sa 'yo
ayoko ko lang naman na sa harap ng maraming tao
ganun mo na lang ako itanggi.”
-utot

8. “Sawang sawa na ako palagi nalang akong
pinagpapasa-pasahan, pagod na pagod na ako.”
-Bola

9. “You never know what you have till you lose it.
and once you lose it, you can never get it back.”
- snatcher

10. “Ginawa ko naman lahat para sumaya ka
mahirap ba talagang makontento sa isa?
Bakit palipat-lipat ka?"
- TV

11. “Hindi lahat ng maasim may Vitamin C.”
- kili-kili

12. "Pilitin mo man na alisin ako sa buhay mo, babalik at babalik ako!"
- libag

13. “'Wag mo na akong bilugin....”
- kulangot

14. "Paano tayo makakabuo kung hindi ako papatong sa iyo?"
- Lego

Mga Bugtong (Riddles) - 6 of 6

101.Nagtago si Pedro, labas ang ulo

Sagot: Pako 

102.Hindi pari, hindi hari, nagdadamit ng sari-sari.

Sagot: Sampayan 

103.Bugtong-pala-bugtong, kadenang umuugong.

  Sagot: Tren 

104.Heto na si Kaka, bubuka-bukaka.

Sagot: Gunting 

105.Buhok ni Adan, hindi mabilang.

Sagot: Ulan 

106.Bibingka ng hari, hindi mo mahati.

Sagot: Tubig 

107.Sa araw ay bungbong, sa gabi ay dahon.

Sagot: Banig 

108.Iisa ang pasukan, tatlo ang labasan.

Sagot: Damit/Baro 

109.Malaking supot ni Mang Jacob, kung sisidlan ay pataob

Sagot: Kulambo 

110.Dalawang pipit nag titimbangan sa isang siit.

Sagot: Hikaw 

111.Maikling landasin, di maubos lakarin

Sagot: anino 

112.Hindi hayop, hindi tao, pumupulupot sa tiyan mo

Sagot: sinturon 

113.Dala mo dala ka, dala ka ng iyong dala

Sagot:sapatos 

114.Maliit pa si Kumpare, nakakaakyat na sa tore. –

Sagot: langgam 

115.Kung gusto mong tumagal pa ang aking buhay, kailangang ako ay mamatay

Sagot: kandila 

116.Kung kailan mo pinatay, saka pa humaba ang buhay.

Sagot: kandila 

117.Baboy ko sa pulo, ang balahibo’y pako.

Sagot: langka 

118.Nang sumipot sa maliwanag, kulubot na ang balat.

Sagot: ampalaya 

119.Isang butil ng palay, sakot ang buong buhay.

Sagot: ilaw 

120.Ako ay may kaibigan, kasama ko kahit saan.

Sagot: anino 

121.Dumaan ang hari, nagkagatan ang mga pari.

Sagot: siper 

122.Munting hayop na pangahas, aaligid-aligid sa ningas.

Sagot: gamu-gamo

123.Tinaga ko ang puno, sa dulo nagdurugo.

Sagot: gumamela

124.Naabot na ng kamay, ipinagawa pa sa tulay.

Sagot: kubyertos

125.Malaking supot ni Mang Jacob, kung sisidlan ay pataob.

Sagot: kulambo

126.Maliit pa si kumare, marunong ng humuni.

Sagot: kuliglig

127.Baka ko sa palupandan, unga’y nakakarating kahit saan.

Sagot: kulog

128.May bintana nguni’t walang bubungan,

may pinto nguni’t walang hagdanan.

Sagot: kumpisalan

129.Heto na si Kaka, bubuka-bukaka.

Sagot: palaka

130.Magandang prinsesa, nakaupo sa tasa.

Sagot: kasoy

131.Hindi pari, hindi hari, nagdadamit ng sari-sari.

Sagot: paruparo

132.Dalawang batong itim, malayo ang nararating.

Sagot: mga mata

133.Kay lapit-lapit na sa mata, di mo pa rin makita.

Sagot: tenga

134.Sa maling kalabit, may buhay na kapalit.

Sagot: baril

135.Sa buhatan ay may silbi, sa igiban ay walang sinabi.

Sagot: bayong o basket

136.Hindi tao, hindi hayop, kung uminom ay salup-salop.

Sagot: batya

137.Isa ang pasukan, tatlo ang labasan.

Sagot: kamiseta

138.Buto’t balat na malapad, kay galing kung lumipad.

Sagot: saraggola

139.Lumuluha walang mata, lumalakad walang paa.

Sagot: ballpen o Pluma

140.Nagbibigay na, sinasakal pa.

Sagot: bote

141.May puno walang bunga, may dahon walang sanga.

Sagot: sandok

142.Hinila ko ang baging, sumigaw ang matsing.

Sagot: kampana o batingaw

143.Yumuko man ang reyna, di malalaglag ang korona.

Sagot: bayabas

144.Nakatalikod na ang prinsesa, ang mukha’y nakaharap pa.

Sagot: balimbing

Mga Bugtong (Riddles) - 5 of 6

81. Hindi hayop, hindi tao; walang gulong ay tumatakbo. -- Sagot: agos ng tubig

82. Oo nga’t alimango, nasa loob ang ulo. -- Sagot: pagong

83. Humangin, umulan, laging dala ang bahay. -- Sagot: pagong

84. Buka kung hapon, kung umaga ay lulon. -- Sagot: banig

85. Bubong kung maliwanag; kung gabi ay dagat. -- Sagot: banig

86. Aling mabuting litrato ang kuhang-kuha sa mukha mo? -- Sagot: salamin

87. Hindi hayop, hindi tao, ang balat ay kuwero. -- Sagot: kastanyas (chestnut)

88. Naligo ang kapitan, hindi nabasa ang tiyan. -- Sagot: bangka

89. Takbo roon, takbo rito, hindi makaalis sa tayong ito. -- Sagot: duyan

90. Malalim kung bawasan, mababaw kung dagdagan. -- Sagot: tapayan (native water jar)

91. Hawakan mo ang buntot ko, at sisisid ako. -- Sagot: tabo (dipper)

92. Mayroon akong alipin, mataas pa sa akin. -- Sagot: sombrero

93. Ang bahay ni Isko walang pinto, puro kwarto. -- Sagot: kawayan

94. Isang balong malalim, punong-puno ng patalim. -- Sagot: bunganga

95. Maganda kong senyorita, susun-suson ang saya. -- Sagot: puso ng saging

96. Tumakbo si Tarzan, bumuka ang daan. --Sagot: siper (zipper)

97. Kung gabi ay hinog, kung araw ay hilaw. -- Sagot: bombilya

98. Dala niya ako, siya’y aking dala. -- Sagot: sapatos

99. Isang butil na palay, puno ang buong bahay. -- Sagot: ilaw

100. Dumaan si Negro, namatay lahat ng tao. -- Sagot: gabi

Mga Bugtong (Riddles) - 4 of 6

61. Tapis ni Kaka, hindi mabasa. -- Sagot: dahon ng gabi

62. Tanikalang may sabit, sa batok nakakawit. -- Sagot: kuwintas

63. Alisto ka pandak, darating si pabigat. -- Sagot: dikin

64. Naabot na ng kamay, iginawa pa ng tulay. -- Sagot: kubyertos

65. Ma-tag-init, ma-tag-ulan, dala-dala ay balutan. -- Sagot: kuba

66. Pagsipot sa maliwanag, kulubot na ang balat. -- Sagot: ampalaya

67. Bastong hindi mahawakan, sinturong walang paggamitan. -- Sagot: ahas

68. May katawa’y walang mukha, walang mata’y lumuluha. -- Sagot: kandila

69. Tinaga ko sa gubat, sa bahay umiiyak. --Sagot: bandurya (native guitar)

70. May ulo walang tiyan, may leeg walang baywang. -- Sagot: bote

71. Di man isda, di man itik, nakahuhuni kung ibig. -- Sagot: palaka

72. Baboy ko sa Marungko, balahibo ay pako. --Sagot: langka

73. Maliit pa si kumpare, nakakaakyat na sa tore. -- Sagot: langgam

74. Ang paa’y apat, hindi makalakad. --Sagot: mesa

75. Itinapon ang laman, balat ang pinagyaman. -- Sagot: yantok (rattan)

76. Walang ngipin, walang panga, mainit ang hininga. -- Sagot: baril na pinaputok

77. Bahay ng anluwagi, iisa ang haligi. -- Sagot: bahay ng kalapati

78. Baka ko sa Maynila, Abot dito ang unga. --Sagot: kulog (thunder)

79. Naunang umakyat, nahuli sa lahat. --Sagot: bubong ng bahay

80. Hayan na hayan na, hindi nakikita. --Sagot: hangin

Mga Bugtong (Riddles) - 3 of 6

41. Isang dalagang mabilog, nasa bibig ang pusod. -- Sagot: sako (ng bigas na may punggos at tali sa bibig)

42. Bagama’t nakatakip, ay naisisilip. -- Sagot: salamin ng mata

43. Kung tawagin nila’y santo, hindi naman milagroso. -- Sagot: santol

44. Kung kaylan pa iginapos, saka pa naglibot. -- Sagot: sapatos

45. Maraming dalaga, iisa ang bituka. -- Sagot: rosaryo

46. May sunong, may kilik, may salakab sa puwit. -- Sagot: mais

47. Dalawang batong itim, malayo ang nararating. -- Sagot: mata

48. Ano ang walang buhay ay natutulog? --Sagot: mantika

49. Limang magkakapatid, tig-iisa ng silid, sa iisang kumot nagkakasukob-sukob. -- Sagot: lansones

50. Hindi tao, hindi hayop itong pipeng si Crispino. -- Sagot: pipino

51. Pag munti’y may buntot, paglaki ay punggok. -- Sagot: palaka

52. Dalawang katawan, tagusan ang tadyang. -- Sagot: hagdanan

53. Buto’t balat, ano’t nakalilipad. -- Sagot: guryon o saranggola

54. Binili ko ng mahal, isinabit ko lamang. -- Sagot: hikaw

55. Aling dahon sa mundo ang iginagalang ng tao?. -- Sagot: bandera

56. Nang bata ay nakasaya, naghubo nang maging dalaga. -- Sagot: labong (ng kawayan)

57. Nagtago si Chiquito, nakalabas ang ulo. --Sagot: pako

58. Bahay ni Margarita, naliligid ng sandata. --Sagot: pinya

59. Limang punong niyog, iisa ang matayog. --Sagot: daliri

60. Baston ni Adan hindi mabilang-bilang. --Sagot: ulan

Mga Bugtong (Riddles) - 2 of 6

22. Tumanda na ang nuno hindi pa rin naliligo. -- Sagot: pusa

23. Bumili ako ng alipin,mataas pa sa akin. -- Sagot: sumbrero

24. Ang dalawa’y apat na, ang maitim ay maputi na, ang malao’y malapit na, ang bakod ay lagas na. -- Sagot: tao (matanda na)

25. Aling hayop sa mundo, ang naglakad na walang buto? -- Sagot: uod

26. Kinain ko ang isa, itinapon ko ang dalawa. -- Sagot: tulya

27. Maging puti, maging pula, sumusulat sa tuwina. -- Sagot: yeso (o chalk)

28. Hindi tao, hindi hayop, bumabalik kung itapon. -- Sagot: yoyo

29. May alaga akong hayop, malaki ang mata kaysa tuhod. -- Sagot: tutubi

30. Isang suman, magdamag kung tinanuran. -- Sagot: unan

31. Mayroon akong pitong bentanilya, tatlo lamang ang naisasara. -- Sagot: ulo (ng tao)

32. Aldibinong tumataginting, kung saan nanggagaling. -- Sagot: telepono

33. Kangkong, kangkong, Reyna Kangkong, Matulis ang dahon; ang bunga ay dupong. -- Sagot: talong

34. Isang tabo, laman ay pako. -- Sagot: suha

35. Bugtong kalibugtong, nagsanga’y walang dahon. -- Sagot: sungay ng usa

36. Baboy ko sa parang, namumula sa tapang. -- Sagot: sili

37. Tubig na binalot sa papel, papel na binalot sa bato; Batong binalot sa balahibo. --Sagot: buko

38. Nagsaing si Hudas, itinapon ang bigas, kinuha ang hugas. -- Sagot: paggata ng niyog

39. Tag-ulan at tag-araw, hanggang tuhod ang salawal. -- Sagot: manok

40. Bahay ni Kiko, walang bintana, walang pinto. -- Sagot: itlog

Mga Bugtong (Riddles) - 1 of 6

Ang bugtong ay isa sa mga kayamanan ng panitikang Tagalog kung saan nilalarawan nito ang pag-uugali, kaisipan, pang-araw-araw na buhay at katutubong paligid ng mga Pilipino. Ito ay madalas na naging palaisipan o pahulaan sa tuwing naglalaro ang mga bata o mag-aaral.

Ang mga sumusunod ay iilan lamang na mga halimbawa:

1. Isang bahay ng mayaman, pinasok ng mangungutang. Kinuha ang kayamanan, ngunit hindi nabawasan.-- Sagot: aklat

2. Buhay na hiram lamang, pinagmulan ng sangkatauhan. -- Sagot: babae

3. Hindi hayop, hindi tao, hindi natin kaanu-ano, ate nating pareho. -- Sagot: atis

4. Tubig kung sa isda, lungga kung sa daga, kung sa tao’y ano kaya? -- Sagot: bahay

5. Bumubuka’y walang bibig, ngumingiti nang tahimik. -- Sagot: bulaklak

6. Nasa malayo at narito, may pakpak at ‘di tao. -- Sagot: balita

7. Sinakit na mabili, saka ipinambigti. -- Sagot: kurbata

8. Isang supot na uling, naroo’t bibitin-bitin. -- Sagot: duhat

9. Tubig na pinagpala, walang makakuha kundi munting bata. -- Sagot: gatas ng ina

10. Isang butil na palay, nakakalatan buong bahay. -- Sagot: ilaw o ilawang gasera

11. Sariling-sarili mo na, ginagamit pa ng iba. -- Sagot: pangalan

12. Nang munti pa’y minamahal, nang lumaki na’y pinugutan. -- Sagot: palay

13. Lima kong ibon, nakatuntong sa lahat ng dahon. -- Sagot: patinig

14. Aling bapor kaya sa Sangmaliwanag ang sa damit natin ay naglalayag? -- Sagot: plantsa

15. Hindi akin, hindi iyo, ari ng lahat ng tao. -- Sagot: mundo

16. Gintong binalot sa pilak; pilak na binalot sa balat. -- Sagot: itlog

17. Lumalakad ang bangka, ang piloto’y nakahiga. -- Sagot: kabaong na may patay

18. Matanda na ang nuno, hindi pa naliligo. -- Sagot: pusa

19. Ako’y may tapat na irog, saan man paroo’y kasunud-sunod; mapatubig ay di nalulunod, mapaapoy ay di nasusunog. -- Sagot: anino

20. Naupo si Itim, sinundot ni Pula; Heto na si Puti, bubuga-buga. -- Sagot: sinaing